Recept dana: Zapečene mašnice sa špinatom

Donosimo jednostavan recept za ukusno jelo.

Sastojci:

250 g tjestenine u obliku mašnica
2 kašike putera
1 manji crveni luk
200 g kisele pavlake
1 kašičica bijelog luka u prahu
150 g svježeg ili smrznutog špinata 
1 jaje
250 g rikote ili svježeg masnog sira
1 kašičica suvog peršuna
so i biber
150 g mocarele 

Priprema
Prokuvajte vodu koju ste posolili i skuvajte tjesteninu prema uputstvu na pakovanju. Zagrijte rernu na 180 stepeni i namastite vatrostalnu posudu za pečenje. U velikoj tavi na srednje jakoj vatri zagrijte puter, dodajte luk i dinstajte dok ne omekša, oko pet minuta. Ubacite i špinat narezan na trake i dinstajte uz miješanje samo par minuta.

Maknite s vatre. U drugoj posudi pomiješajte rikotu ili svježi sir i jaje te dodajte kuvanu tjesteninu i dinstani luk sa špinatom. Potom dodajte kiselu pavlaku, bijeli luk u prahu, sušeni peršun, posolite i pobiberite. Sve promiješajte i prebacite u posudu za pečenje. Pokrijte folijom i pecite 25 minuta.

Potom skinite foliju, ravnomjerno pospite mocarelu po vrhu i vratite u rernu na 15 minuta da se zapeče. Poslužite toplo.

Pratite nas na našoj Facebook i Instagram stranici i X nalogu.