“Potpisujem ugovor, a iznad mene – dva naoružana Srbina”
Brazilski fudbaler Ilan Arauho Dal’Inja prisjetio se nesvakidašnje situacije prilikom potpisivanja ugovora sa francuskim Ažaksioom.
On je u ranoj fazi karijere igrao za Sošo i Sent Etjen, u čijim je dresovima postigao 48 golova.
Sjajan golgeterski učinak poslao ga je u engleski Vest Hem, gdje nije uspio da se izbori za minutažu, pa je 2011. godine odlučio da se vrati u Francusku.
“Nakon kratkih angažmana u Vest Hemu i Internacionalu, u lijeto 2011. došao sam u Ažaksio na dogovoreni potpis ugovora. Ali nedjelju dana se ništa nije događalo, da bi onda konačno po mene došao predsjednik kluba Alan Orsoni”, priča Ilan i nastavlja:
“Pokupio me je u blindiranom BMW-u. Iako je plan bio da odemo na ručak u tom primorskom gradu, primetio sam da se penjemo u korzikanske planine. Kada sam pitao predsjednika zašto je promjenio plan, objasnio mi je da je za njega previše opasno da ruča u Ažaksiou. Tako smo došli do neke zabiti. Tamo sam ušao u sobu bez prozora, gdje sam potpisao ugovor dok su iznad mene stajala dva naoružana Srbina”, prisjetio se Ilan za L’Ekip.
Ilan Arauho je karijeru završio u Bastiji 2014. godine.
Pratite nas na našoj Facebook i Instagram stranici i Twitter nalogu.
