Recept dana: Griz kocke s keksom i šlagom

Ako ste ljubitelj laganih, kremastih kolača koji se jednostavno pripremaju, ove griz kocke s keksom i šlagom biće pravo otkriće za vas.

Sastojci:

20 petit keksa

1 l mlijeka

180 g šećera u prahu

200 g griza

130 g maslaca

50 g bijele čokolade

4 vrećice šlag pjene

malo nasjeckanih lješnika

Priprema: Mlijeko stavite u lonac i ostavite da proključa, smanjite vatru i dodajte griz uz neprestano miješanje. Zatim dodajte šećer u prahu i neprestano miješajte. Smjesu maknite s vatre kako se ne bi stvorile grudvice. Zatim vratite na laganu vatru i kuvajte pet minuta, uz miješanje. U kremu sada dodajte bijelu čokoladu, vratite na vatru i miješajte dok se čokolada ne otopi. Ostavite da se krema ohladi i pokrijte je prozirnom folijom. U ohlađenu kremu dodajte maslac i dobro izmiksajte mikserom, a po želji u kremu možete dodati i ekstrakt vanilije. U posudu dimenzija 25x25 složite red petit keksa koji ste umočili u mlijeko. Po keksu zatim rasporedite kremu i stavite u frižider da se stisne. Dok se kolač hladi, napravite šlag - za njega će vam biti potrebne četiri vrećice šlag pjene, a možete koristiti i slatku pavlaku za šlag i umutiti je mikserom. Šlag rasporedite po ohlađenoj kremi pa vratite u frižider na barem tri do četiri sata. Šlag pospite nasjeckanim lješnicima, isjecite i poslužite.

Pratite nas na našoj Facebook i Instagram stranici i X nalogu.