Kaucije za 29 od 30 aktivista Grinpisa

Sankt Peterburg - Sud u Rusiji odobrio je plaćanje kaucija za 29 od 30 aktivista iz organizacije "Grinpis", koji su privedeni tokom protesta u blizini ruske naftne platforme na Arktiku.Još 13 aktivista danas je pušteno iz zatvora, a posljednja tri člana posade dobila su pravo da plate kaucije. Do sada se na slobodi našlo 24 od 30 aktivista.

Posljednji koji su izvedeni pred sud su Britanac Fil Bol i Rus Dima Litvinov. Sud im je odredio kaucije od po 61.500 dolara. Prethodno je ista odluka donesena za američkog kapetana broda i "Grinpisovog" veterana Pitera Vilkoksa.

Svih 30 aktivista suočeni su sa optužbama za huliganstvo. Za sada nije poznato da li će stranim državljanima među njima biti dozvoljeno da napuste Rusiju, prenio je AP.

Oni su privedeni kada je dio aktivista sa broda "Arktik sanrajz" pokušao da se popne na platformu kompanije "Gasprom".

Jedini kojem sud nije odobrio plaćanje kaucije je Australijanac Kolin Rasel, a advokati "Grinpisa" zbog toga će uložiti žalbu.

Pratite nas na našoj Facebook i Instagram stranici i X nalogu.