Puhovski:Rejting stranaka u Hrvatskoj izmijenjen u odnosu na prošle izbore
ZAGREB - Prema posljednjem istraživanju HRejtinga, u dosad obrađenim izbornim jedinicama, HDZ je u prednosti u odnosu na SDP, a politički analitičar, profesor Žarko Puhovski kaže da je odnos prilično izjednačen ako bi se gledalo ko bi sa kim mogao u koaliciju poslije parlamentarnih izbora u srijedu, 17. aprila. Primijetio je da je rejting stranaka bitno izmijenjen u odnosu na prošle izbore.
-HDZ je nešto slabiji po ovom što sad vidimo nego na prošlim izborima. SDP je otprilike na istom nivou. I ostaje jednostavno pitanje, kad gledate ovaj popis ovdje, bez manjina i takozvane dijaspore, s kim bi HDZ mogao u koaliciju - rekao je Puhovski.
On je gostujući na HRT-u rekao da se načelno čuje da bi SDP moglo u koaliciju i sa IDS-om i s Možemo i Posavcem, moguće čak i sa Domovinskim pokretom.
-I onda je tu situacija zapravo izjednačena, više manje, pogotovo što bi se po mom uvjerenju, Domovinski pokret vjerovatno raspao ako bi došlo do koalicije sa Milanovićem, odnosno SDP-om koji bi vodio (Zoran) Milanović - naveo je Puhovski.
Puhovski smatra da se još ništa ne zna i da je sve neizvjesno.
-Vjerovatno će u srijedu uveče biti tako da će tek početi jedan karusel u kojem će se tražiti ko s kim i ko protiv koga. Drugim riječima, još nije gotovo - rekao je Puhovski.
Pratite nas na našoj Facebook i Instagram stranici i Twitter nalogu.
