Ogorec o padu MiG-a: Da li biste vi sjeli i vozili auto star 40 godina

Ove letjelice su, kaže, odavno na isteku svojih resursa.

"Srećna je okolnost da su piloti preživjeli i da avion nije pao u naseljeno mjesto", rekao je Ogorec za zagrebačku N1 tv.

Podsjeća da je Hrvatska od Francuske kupila Rafale i kada oni stignu, kaže, situacija će biti drugačija.

Ističe da je posao vojnog pilota vrlo rizična profesija i da se ljudi dobrovoljno odlučuju za to zanimanje.

“Da li biste vi sjeli i vozili auto star 40 godina? Oni se održavaju, to je činjenica, ali vi nikad ne znate šta se može dogoditi”, kaže ovaj vojni analitičar.

Ogorec ne vidi ni jedan jedini razlog zašto bi ministar odbrane Mario Banožić trebalo da podnese ostavku, što su tražili neki opozicioni poslanici.

 “Niti je on doveo te migove, niti ih je zadržavao. Situacija je takva kakva jeste, raspolažemo s time čime  raspolažemo. Činjenica je da imamo zastarjelu tehniku i činjenica je da je vlada kupila novu tehniku, ali ona ne može doći preko noći”, kaže Ogorec.

Činjenica je, napominje, da se dvadeset godina u oružane snage nije ulagalo onoliko koliko bi trebalo.

Smatra da kada je o rezultatima istrage riječ ne bi baš sve trebalo da ide u javnost.

“Ova istraga je prije svega stručna istraga koja bi trebala stručnjacima da da rezultate šta se dogodilo, ne vidim zašto bi to trebalo da zanima javnost koja baš nema previše niti doticaja s time niti ima uticaja u tome. To bi prije svega trebalo služiti pilotima i aredoromskom osoblju da znaju što se dogodilo”, kazao je analitičar.

Pratite nas na našoj Facebook i Instagram stranici i Twitter nalogu.