“Smrt na Nilu” premijerno u oktobru: Triler o opsesiji, ljubavi i smrti
LOS ANĐELES – Film “Smrt na Nilu”, adaptacija istoimenog romana Agate Kristi, nova je filmska adaptacija ovog djela, koja će premijerno biti prikazana 23. oktobra.
Kenet Brana će se ponovo naći u ulozi čuvenog lika, izmišljenog detektiva Herkula Poaroa, nakon glume u filmu “Ubistvo u Orijent ekspresu”. Ovaj irski glumac uhvatio se u koštac sa još jednom legendarnom Agatinom pričom potpisujući i režiju za ovaj film.
“Smrt na Nilu” je misteriozan triler o emocionalnom krahu i smrtnim posljedicama izazvanim opsesivnom ljubavlju, a prekjuče je predstavljena i prva najava, koja je uvid to kako će film izgledati.
- Putovanje po Egiptu na glamuroznom parobrodu za belgijskog detektiva Herkula Poaroa pretvara se u zastrašujuću potragu za ubicom, u trenucima kada se idilični medeni mjesec savršenog para, tragično završava – naznačeno je filmu.
Nasuprot pejzažima pustinje i veličanstvenih piramida u Gizi, ova priča o neobuzdanoj strasti i ljubomori prikazuje besprijekorno odjevene putnike, ali i nemilosrdne zaplete koji će publiku do kraja ostaviti u nagađanjima, do šokantnog raspleta.
“Smrt na Nilu” je raskošna priča o ljubavi, izdaji i ubistvu i jedna je od najčuvenijih i najomiljenijih knjiga Agate Kristi, koja je za ovaj roman bila inspirisana ličnim putovanjem po Egiptu.
Osim Keneta Brane, u filmu igra i Tom Bejtmen, Anet Bening, Rasel Brand, Gal Gadot i drugi.
Scenario za film ponovo je napisao Majkl Grin.
Pratite nas na našoj Facebook i Instagram stranici i Twitter nalogu.
