Jokić potvrdio NBA klasu VIDEO
Nikola Jokić je na Ol-star meču NBA "zvijezda u usponu" potvrdio da je trenutno jedan od najboljih košarkaša svoje generacije.
Jokić je u Nju Orleansu bio jedan od ključnih igrača tima Svijeta u pobjedi nad timom SAD 150:141, iako je po efikasnosti bio daleko iza MVP-ja utakmice Džamala Mareja (36p, 11as), Badija Hilda (28p) i Kristapsa Porzingisa).
Somborac je ubacio 12 poena, pogodivši šest od devet šuteva, ali "floterom" u samoj završnici utakmice ovjerio pobjedu svoje ekipe. Osim toga, Jokić je bio jedan od najboljih skakača sa 11 uhvaćenih lopti i asistenata meča sa osam proigravanja, nekoliko u svom magičnom stilu bez gledanja.
Imao je i dvije ukradene ali i četiri izgubljene lopte. Jokić je ovaj učinak ostvario za 21 minut igre, a posebno je bio efektan u prvom poluvremenu kada je za sedam minuta na parketu postigao osam poena uz po četiri skoka i asistencije.
Jokić nije završio svoj nastup u Nju Orleansu, u nedjelju ujutru će učestvovati u nadmetanju u vještinama.
Pratite nas na našoj Facebook i Instagram stranici i Twitter nalogu.
