Drugoligaš Lids izbacio Totenhem iz FA Kupa

Drugoligaš Lids Junajted eliminisao je premijerligaša Totenhem u šesnaestini finala FA Kupa.

Lids je sa 2:1 savladao "Spurse" koji su tek u posljednjih pola sata pokazali zašto se nadaju plasmanu u Ligu šampiona.

Luk Varni i Ros Mekormak donijeli su 2:0 Lidsu, da bi pola sata prije kraja Klint Dempsi vratio nadu Totenhemu.

Ranije u nedjelju Čelsi se namučio da izbori revanš protiv trećeligaša, a i Liverpul ima problema sa timom iz Lige 1.

Lids je na "Eland roudu" bio izuzetno opasan po gol londonskog tima iako je igrao bez prvog strelca Lučijana Bekija, koji je izostavljen iz tima jer je protekle nedjelje tražio transfer.

Ipak, Nik Vornok je našao pravu zamjenu za njega, Luk Varni je iskoristio ukazanu šansu i donio Lidsu prednost u 15. minutu. Majkl Braun je poslao loptu napred, El Hađi Dijuf ju je proputio do Varnija koji se iznenada našao sam na lijevoj strani, utrčao u kazneni prostor, i desnom nogom loptu poslao u dalji ugao pored nemoćnog Breda Fridela.

U petom minutu nastavka najavljeno je veliko iznenađenje, Ros Mekormak je poslije još jedne ispucane lopte odigrao sjajan dupli sap sa Dijufom, prevario u kaznenom prostoru Kalkera, i lijevom nogom zakucao dijagonalu pored Fridela.

Osam minuta kasnije Klint Dempsi je iskoristio centaršut Gereta Bejla i glavom sa prve pogodio drugu stativu čime je smanjio na 2:1. Amerikanac se samo iskupio za veliki promašaj ranije tokom meča.

Pratite nas na našoj Facebook i Instagram stranici i X nalogu.