Pakistansku Kim Kardašijan ubio brat

Pandžab - Pakistansku zvijezdu društvenih mreža Kandil Baloč ubio je njen brat zbog "kaljanja porodične časti", prenosi Bi-Bi-Si, pozivajući se na policiju.

Kako se navodi, ona je nedavno izazvala buru u Pakistanu postavljajući na društvene mreže kontroverzne slike, među kojima je jedna sa muslimanskim sveštenikom.

Policija navodi da je 26-godišnja Baloč, poznata i kao pakistanska Kim Kardašijan zadavljena, a da je njen brat uhapšen.

Ona je postala poznata "postavljajući smjele fotografije, video-snimke i komentare". Njeni roditelji izjavili su da je zadavljena na smrt u petak uveče nakon svađe sa bratom, kao i da tijelo nije otkriveno do subote ujutro. Roditelji su potom privedeni. Iz policije takođe ističu da je 26-godišnja zvijezda društvenih mreža prešla iz Karačija u Pandžab zbog prijetnji.

- Brat je od nje tražio da prestane sa manekenstvom - piše "Tribjun" pozivajući se na izvor iz porodice. Brat je, kako navode, bio uznemiren zbog kontroverznih slika i prijetio joj je i ranije. Postala je zvijezda u Pakistanu kada je 2014. na društvene mreže okačila snimak na kojem pozira ispred kamere i pita "kako izgledam", a snimak je ubrzo postao viralan. Ubistva žena zbog "kaljanja porodične časti" česta su u Pakistanu. 

Pratite nas na našoj Facebook i Instagram stranici i X nalogu.