Dron umalo oborio putnički avion Lufthanze

Poljska policija bez uspjeha traga za vlasnikom drona koji je zamalo izazvao udes pri sletanju aviona njemačke kompanije Lufthanza u Varšavi.

Bespilotni vazduhoplov je letio suviše blizu i ugrozio manevar sletanja putničkog aviona.

Njemački pilot na Lufthanzinom letu iz Minhena u Varšavu u ponedjeljak je pri slijetanju, na visini od 800 metara, primjetio da na udaljenosti od oko 100 metara leti dron, javlja danas poljski radio RMF FM.

Pilot je odmah uzbunio kontrolore leta, ali na sreću bespilotna letjelica nije presjekla trasu i putnički avion je uspješno sletio na varšavski međunarodni aerodrom.

Uprava aerodroma "Frederik Šopen" alarmirala je policiju koja je digla helikopter da nađe vlasnika kome je pala na pamet ludost da malu bespilotnu letjelicu proba u neposrednoj blizini aerodroma i trasa sletanja, međutim ni vlasnik, ni dron nisu nađeni.

Pratite nas na našoj Facebook i Instagram stranici i X nalogu.