Četvoro mrtvih u pucnjavi u Dalasu: Bacio bombu u kuću bivše djevojke, pa pucao dok je imao metaka

Dalas - Najmanje četiri osobe ubijene su u seriji napada iz vatrenog oružja u oblasti Dalasa, a policija je privela osumnjičenog za ove napade.

Policijski zvaničnik Dalasa Voren Mičer izjavio je da je policija kasno sinoć dobila poziv iz jedne kuće, gdje je četvoro ljudi upucano, od kojih je dvoje umrlo.

Mičel je naveo da je Erbi Bauzer (44), osumnjičen za taj napad, pobjegao u DeSoto, gdje je učestvovao u još jednoj pucnjavi, u drugoj kući.

Policijski zvaničnik De Sota Melisa Frenks je rekao da je i u tom napadu upucano četvoro ljudi i da ih je dvoje preminulo, prenijela je agencija AP.
Bauzer je uhapšen na mjestu druge pucnjave.

Američki mediji pišu da je napadač ušao u kuću u Dalasu tražeći svoju bivšu djevojku, a kada je nije našao, navodno je bacio ekplozivnu napravu.

Nakon što je eklozivna naprava detonirala, on je navodno ušao unutra i upucao nekoliko ljudi, njenih rođaka. Napad je prekinuo kada je ostao bez municije.

Pratite nas na našoj Facebook i Instagram stranici i X nalogu.