Tadić odbio Mesićev poziv

BEOGRAD - Predsjednik Hrvatske Stjepan Mesić želio je na kraju mandata da se još jednom sretne sa kolegama iz regiona, ali je predsjednik Srbije Boris Tadić odbio sastanak, pišu hrvatski mediji.

Tadić je odbio poziv Mesića da posjeti Zagreb zbog angažmana Hrvatske na strani Kosova u procesu pred Međunarodnim sudom pravde u Hagu.

Pozivajući se na neimenovani izvor iz Beograda je poručeno da bi bilo najbolje da Mesićev nasljednik ugosti Borisa Tadića, i to tek ako pošalje pozitivne signale i kada se slegne bura oko hrvatskog angažmana u Hagu.

Predsjednik Srbije Boris Tadić izjavio je da istupi hrvatskih političara i zastupnika pred Međunarodnim sudom pravde u Hagukvare odnose Srbije i Hrvatske.

- Iznošenje neistinitih tvrdnji hrvatskog predstavnika u stvari se može tumačiti kao mešanje u unutrašnje stvari Srbije - rekao je Tadić.

Dodatnu buru u Srbiji izazvala je i najava posjete Mesića Prištini 7. januara 2010, neposredno pred drugi krug predsjedničkih izbora u Hrvatskoj.

Službeni Beograd je ovu posjetu koja pada na "pravoslavni Božić" proglasio "nedobronamernim potezom", tim prije jer su od proglašenja nezavisnosti na Kosovu do sada jedino bili albanski predsjednik Sali Beriša, američki potpredsjednik Džo Bajden i bivši američki predsjednik Bil Klinton.

Pratite nas na našoj Facebook i Instagram stranici i X nalogu.