Prihvaćen Sporazum o granici

LjUBLjANA - Slovenačka vlada prihvatila je preksinoć arbitražni sporazum o granici sa Hrvatskom i poslala ga parlamentu na ratifikaciju, potvrdio je slovenački premijer Borut Pahor, prenosi Tanjug.

Prijedlog zakona o ratifikaciji arbitražnog sporazuma sa Hrvatskom dostavljen je i Ustavnom sudu, dok će dijelovi Sporazuma koji su premijeri dvije zemlje, Borut Pahor i Jadranka Kosor, potpisali u Stokholmu 4. novembra, biti poslati Vrhovnom sudu.

U namjeri da ubrza proceduru u Ustavnom sudu, slovenačka vlada zatražila je procjenu samo jednog dijela sporazuma, na osnovu kojeg arbitražni sud treba da donese odluku o kopnenoj i vodenoj granici između dvije zemlje, navela je agencija STA.

Pahor je ponovio da smatra da je međunarodna arbitraža sporazuma koji se tiče višegodišnjeg spora između dvije zemlje oko granice u potpunosti u skladu s Ustavom.

Pratite nas na našoj Facebook i Instagram stranici i X nalogu.