Za sedam dana juna 16 mrtvih na hrvatskim putevima

ZAGREB - U prvih sedam dana juna, na hrvatskim putevima život je izgubilo 16 ljudi, a za manje od 24 sata pet osoba je stradalo u saobraćajnim nesrećama, prenosi jutros Indeks.

Među tih petoro poginulih su dvoje mladih na motociklu, starija žena u svojstvu pješaka, motociklista i vozač automobila.

U petak oko 21 las, u Našicama je stariju ženu pješaka usmrtio automobil.

Samo dva sata kasnije, dogodila se teška saobraćajna nesreća na Staroj zagorskoj cesti, pri čemu je 28-godišnji mladić bez vozačke dozvole, koji iza sebe već ima 23 teška prekršaja, jurio neregistrovanim motociklom i u smrt odveo sebe i 25-godišnju djevojku koja je bila sa njim.

U subotu uveče, jedna osoba je poginula u Umagu u sudaru motocikla i automobila, a još jedan vozač smrtno je stradao u Velikoj Gorici prilikom slijetanja automobila sa puta.

Pratite nas na našoj Facebook i Instagram stranici i X nalogu.